Të tjera përgjime të realizuar nga Guardia di Finanza dhe Eurojust për bandën kriminale shqiptare me 3 “koka” nga Durrësit që u shkatërrua dy ditë më parë në bashkëpunim me SPAK, kanë dalë në dritë në mediat italiane.
Grupi shqiptaro-italian kishte tregtuar më shumë se 120 kilogram kokainë, 15 kilogramë heroinë, si dhe 129 kilogramë marijuanë e 92 kilogramë hashash, nga Shqipëria drejt vendeve të tjera të BE-së, ndërsa qendrën e aktivitetit e kishtë në trekëndësihin Milano-Bergamo-Torino.
Përveç përgjimit ku del se një prej krerëve të bandës, përkatësisht Emirjan Beu e kishte pseudonimin “Noizy”, njëjtë si reperi i famshëm Rigels Rajku, një tjetër bisedë mes anëtarëve të grupit është bërë publike.
Në këtë përgjim Gjergji Luli dhe Lorenc Arapi diskutojnë me njëri-tjetrin për situatën në Spanjë, ku grupi gjithashtu kishte shtrirë aktivitetin në kultivimin dhe shitjen e kanabisit.
PËRGJIMI:
Gjergji Luli: Tani nuk keni parë asnjë lëvizje atje lart
Lorenc Arapi: Ku?
Gjergji Luli: Në Spanjë
Lorenc Arapi: Nuk kam parë gjë, edhe atje është bërë lëmsh
Gjergj Luli: Është më shumë rrëmujë atje
Lorenc Arapi: Merre këtë (Ndoshta një telefon) dhe le të dalë një. Le të dalë dikush, ulemi në tavolinë, diskutojnë mirë gjërat dhe thjesht nuk flasim ok?
Gjergji Luli: Nuk është problem…Po Puka çfarë tha?
Lorenc Arapi: Ai i Pukës tha se është 5 llojësh
Gjergj Luli: Ai shoku më tha mos i mbaj këto por…
