Kryeministri Edi Rama vazhdon të mos shfaqet në publik.
Pas shpërthimit të skandalit të rëndë në SHBA, ai është shfaqur vetëm njëherë gjatë gjithë javës.
Më pas, raportohet se Rama ka anuluar të gjitha aktivitetet dhe është zhdukur.
Mbrëmjen e kaluar, pasi ishte lajmëruar disa herë se do të ishte në një mbrëmje gala të FSHF, kreu i saj, Armand Duka tha se Rama ishte i sëmurë.
Ndërkohë kreu i opozitës, Sali Berisha, ka hedhur dyshime se ai mund të ketë fluturuar në mënyrë private për t’u takuar me mikun e tij, George Soros.
Ajo që dihet është se edhe sot, aktivitetet e tij janë anuluar deri në një njoftim të dytë.
Rama është implikuar në skandalin më të rëndë në historinë e agjencisë së rëndësishme amerikane në dekada.
Ai dyshohet se ka korruptuar zyrtarin e lartë të FBI-së, Charles McGonigal.
