Presidenti i Federatës Shqiptare të Futbollit, Armand Duka ka zbuluar arsyen e zhdukjes prej disa ditësh të kryeministrit Edi Rama i cili është përfolur për aferën dhe lidhjen e e tij me ish-zyrtarin e FBI-së, Charles McGonigal, tashmë i arrestuar për korrupsion.
Duka bëri me dije se Rama për arsye shëndetësore nuk është i pranishëm në mbrëmjen të organizuar nga FSHF-së për ndarjen e çmimeve të më të mirëve të vitit 2022 të Superiores.
“Inaguruam stadiumin Zeqir Ymeri në Kukës ku në këtë rast falenderoj kryeministrin dhe qeverinë shqiptare që u bashkua me Federatën e Futbollin si në dy stadiumet në Elbasan dhe Shkodër. Një faleminderim edhe për kryeministrin Rama, i cili është i sëmurë dhe nuk është i pranishëm Në të njëjtën kohë dua t’i uroj shërim të shpejtë”, tha Duka.
Arrestimi i ish-zyrtarit të FBI-së, Charles McGonigal ishte një arenë beteje për opozitën ditën e djeshme në Kuvend, ku me insistim u kërkuar që të ishte i pranishëm për të dhënë “llogari” kryeministri Edi Rama, i cili dyshohet se ka paguar “mikun e tij” amerikan për lobingje dhe sulme ndaj Partisë Demokratike.
