Raphaël Dupond-Moretti, djali i ministrit francez të Drejtësisë, Eric Dupond-Moretti, është arrestuar ditën e sotme i akuzuar për dhunë në familje.
“Si baba jam i shkatërruar. Mendimet e mia shkojnë për viktimën. Çdo dhunë, çfarëdo qoftë ajo, është e patolerueshme. Si qytetar kërkoj që të respektohet jeta ime familjare.
Komenti i ministrit të Drejtësisë u bë për mediat vendase, duke shtuar se tashmë i takon drejtësisë që të bëjë punën e saj.
Faktet datojnë që nga dita e djeshme, kur një fqinj dëgjoi zhurma dhe britma nga banesa ku banonte Raphaël Dupond-Moretti, duke njoftuar policinë.
Kur mbërriti policia, djali i ministrit ishte larguar tashmë ndërsa partnerja e tij ishte strehuar në shtëpinë e fqinjit që dha alarmin.
Rezultoi se gruaja ishte goditur me grushte dhe shkelma nga partneri i saj.
Raphaël Dupond-Moretti u paraqit vullnetarisht mëngjesin e sotëm në xhandarmërinë e Courchevel, një resort ekskluziv i skive në Alpet Franceze.
