Një nënë nga Massachusetts akuzohet se ka mbytur dy fëmijët e saj të vegjël dhe ka tentuar të vrasë fëmijën e saj të tretë përpara se të tentojë të vrasë veten duke u hedhur nga dritarja.
Lindsay Clancy 32 vjece, nga Plymouth, po përballet me dy akuza për vrasje dhe tre akuza për mbytje për vrasjen e vajzës së saj 5-vjeçare dhe djalit 3-vjeçar.
Clancy po shërohet në një spital të Bostonit, por është në paraburgim nga policia. Policia u thirr në shtëpinë e familjes nga bashkëshorti i gruas.
“Oficerët gjetën në shtëpi tre fëmijë nën moshën pesë vjeç pa ndjenja, me shenja të dukshme të lëndimeve të rënda”, tha kreu i hetimeve.
Cora, 5 vjeç dhe Dawson, 3 vjeç, u dërguan me urgjencë në spital, ku u shpallën të vdekur.
Djali 7 muajsh është ende duke luftuar për jetën, thonë autoritetet. Ai u transportua me helikopter në Spitalin e Fëmijëve në Boston dhe mbetet i shtruar në spital.
“Kjo është një tragjedi e paimagjinueshme, e pakuptimtë dhe hetimi është në vazhdim, ” tha policia.
Hetuesit po shqyrtojnë mundësinë që Clancy vuante nga depresioni pas lindjes dhe kishte qenë me leje nga Spitali i Përgjithshëm i Massachusetts, ku ajo punonte si infermiere.
Familjarët e familjes thanë se janë në gjendje shoku pasi asgjë nuk e paralajmëronte të keqen.
“Është zemërthyese. Ata ishin thjesht fëmijë të bukur, të bukur. Të kujdesur mirë – ato ishin thjesht të bukura, kaq. Ata patën një jetë të bukur ”, tha tezja e tyre.
