Efi Dhedhes dhe Olta Gixhari nisën ti rrëfenin histori personale njëra-tjetrës. Ish-konkurrentja e “Për’puthen” i tha aktores së njohur se ajo ka kaluar shumë gjëra në jetë, njëra prej të cilave ishte edhe ndarja nga ish-i dashuri i saj tetë vite më parë.
Sipas Efit, katër vite më vonë, ajo njohu një vajzë me të cilën krijoi miqësi të mirë. Kjo e fundit u divorcua nga bashkëshorti, kishte një djalë 16 vjeç dhe vuante nga një sëmundje e rëndë, që mund t’i rrezikonte jetën.
Efi tha se e shihte shoqen e saj gjithmonë duke qarë dhe duke vuajtur, por një vit e gjysmë më parë, ajo mori vesh një të vërtetë për këtë miqësi, që kuptoi se ishte mashtruar nga shoqja e saj.
“E kam dashur pafundësisht shumë, e kam pasur si motrën time dhe çdo lloj gjëje që ajo thoshte, nga dashuria e madhe që kisha për të, nuk doja të dyshoja. Kisha dyshimet e mia, sepse jam aq e zgjuar sa për ti parë gjërat, po thoja nuk ma bën këtë lloj gjëje. Ishte e vetmja femër që kur flisja me të isha 100 për qind reale, thoja gjërat ashtu siç mendoja, tregoja edhe gabimet e mia.
Nuk më gjykonte, më dëgjonte dhe çdo gjë tjetër. Ajo ka pasur probleme shëndetësore shumë të rënda që mund të ndërronte jetë. Ka pasur edhe një djalë 15-16 vjeç në atë periudhë dhe ka qenë e divorcuar. Tani mund të jetë 38 vjeçe. Duke qenë se shikoja hallet dhe problemet e saj që e rrethonin, fakti që nuk kishte një mbështetje financiare, nuk kishte dikë ta ndihmonte për shëndetin e saj, djalin e kishte të pashkolluar dhe ishte pak më fëmijë për moshën e tij. E shihja në situata tmerrësisht të frikshme, duke nxjerrë shkumë nga goja, duke i rënë të fikët dhe çdo lloj gjëje të tillë. E në momentin që nisa duke parë këto lloj skenash, ai emocioni im si njeri që unë kam automatikisht u tërhoq dhe u bëra unë e fortë për ti ndenjur asaj pranë. Se nëse edhe unë rrija të qaja në situata të tilla…
Erdhi një moment që po e shikoja veten vetëm duke qarë, vetëm duke vuajtur. Dhe në momentin që mua më ndryshoi komplet është se doli një mashtrim, një gënjeshtër që ajo më tha më doli para sysh.
Sa u luta, më ka marrë Mikela më thotë hajde. Në momentin që dola e shoh gënjeshtrën dhe në atë moment pësova një shok.”- tregoi Efi.
