Këngëtarja e famshme me origjinë shqiptare, Rita Ora ka thyer heshtjen në lidhje me fotot që bënë xhiron e rrjetit ku shihej duke u puthur me bashkëshortin e saj Taika Waititi dhe Tessa Thompson gjatë një feste.
Rita, e cila u martua me regjisorin e filmit ‘Thor’, 47 vjeç, vitin e kaluar, reagoi pas aludimeve se treshja ishin në një lidhje në atë kohë.
Duke hedhur poshtë çdo ‘thashethem të mundur’, Rita tha: “A keni qenë ndonjëherë në një situatë ku keni pirë shumë dhe të gjithë janë miqtë tuaj më të mirë? Dhe pastaj të nesërmen ju thoni me vete: Unë po flisja me këtë person për katër orë dhe nuk e kam idenë se kush është?”.
Këngëtarja u shpreh për revistën GQ se fotoja që ishte vetëm një grup miqsh që kalonin kohë të mirë.
