Një 63-vjeçar në Çorovodë ka humbur jetën në mënyrë tragjike ditën e sotme.
Mësohet se Kujtim Kola ka qenë duke krasitur pemët në shtëpinë e tij që ndodhet në lagjen “2 Dhjetori” të qytetit, kur është rrëzuar aksidentalisht nga lartësia dhe ka humbur jetën menjëherë.
“Më datë 25.01.2023, rreth orës 11:40, në lagjen “2 Dhjetori”, Çorovodë, shtetasi K.K., 63 vjeç, duke krasitur pemët në banesën e tij, është rrëzuar nga lartësia dhe për pasojë ka ndërruar jetë”, njofton policia.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
