Punonjësit e policisë së komisariatit të Conegliano kanë zbatuar në burg një urdhër paraburgimi të lëshuar gushtin e kaluar nga organi gjyqësor i Venecias ndaj një 22-vjeçari shqiptar me banim në zonën e Trevisos.
Pas hetimeve të gjera, të drejtuara nga prokuroria e Venecias, ndaj shqiptarit ishin mbledhur indicie të rënda fajësie për disa grabitje të dhunshme.
Faktet datojnë në korrikun e kaluar kur, natën vonë, tre të rinj në dy episode të veçanta rrethuan dhe sulmuan disa të rinj gjatë pushimeve. Ata i kishin vendosur të rinjtë në shënjestër brenda një disko dhe i ruajtën teksa dilnin pas festës, duke ua marrë kuletat, celularët dhe disa qindra euro me forcë.
Viktimat 18 vjeçarë u goditën me dhunë të paprecedentë dhe u lanë të shtrirë në tokë nga 22-vjeçari shqiptar dhe dy grabitësit e tjerë.
Sipas dosjes hetimore ata janë goditur me shkelma në kokë dhe u dërguan me urgjencë për trajtim mjekësor të specializuar pas përplasjes me bandën e grabitësve.
Aktivitetet e policisë gjyqësore të hetuesve nga Venecia dhe Komisariatit të Policisë së Jesolos ishin të menjëhershme dhe intensive.
Personi i arrestuar, me banim në zonën e Trevisos, por në fakt i pagjurmueshëm dhe pa vendbanim fiks, u vendos në një ambient akomodimi në zonën e Conegliano dhe u dërgua në burgun lokal të Trevisos në dispozicion të autoriteteve gjyqësore.
