Një shpërthim me lëndë plasëse ka ndodhur pak pas mesnate në verandën e një banese në rrugën “Ndoc Martini” në Tiranë.
Mësohet se rreth 30 gramë tritol është vendosur në shtëpinë e marrë me qira nga Demir Cara.
Nga shpërthimi ka vetëm disa dëme të vogla materiale.
Hetimi është fokusuar jo vetëm tek Cara por edhe tek pronari i banesës për të verifikuar ndonjë konflikt të mundshëm.
“Më datë 22.01.2023, rreth orës 00:05, në rrugën “Ndoc Martini”, në verandën e banesës së shtetasit D. C., 34 vjeç, dyshohet se është hedhur një sasi e vogël lënde plasëse duke shkaktuar dëme të vogla materiale.“-njofton policia.
Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
