Qarku i Shkodrës është përfshirë nga moti i keq gjatë orëve të fundit, pasi janë bllokuar disa rrugë nga dëbora, rënia e gurëve dhe uji.
Sipas autoriteteve lokale:
Aksi Shkodër-Koman ka vende me mbetje inertesh. Po punohet për pastrim firma mirëmbajtëse dhe rruga është e kalueshme.
Në Shkodër-Vermosh ka dëborë dhe rruga është e kalueshme me zinxhirë.
Te akset rrugore në Bashkinë Pukë-Fushë Arrëz nuk raportohen probleme.
Aksi rrugor Shkodër-Prekal ka vërshim uji në rrugë, por është e kalueshme.
Aksi rrugor Shkodër-Theth i kalueshëm, ka prani dëbore, levizet vetëm me zinxhirë.
Në aksin H.Hotit-Tamarë-Vermoh ka rënie gurësh dhe inertesh në rrugë. Po punohet për pastrimin e tyre.
Në aksin Bogë-Theth, nga reshjet e shumta të bores, ka patur orteqe bore në zonën e tuneleve panoramike që kanë shkaktuar bllokim të rrugës. Momentalisht është e rrezikshme që të ndërhyhet pasi rrëshqitjet e borës nga mali janë të vazhdueshme.
Në aksin Tamarë -Vermosh, me rënien e tempraturave, reshjet e shiut janë kthyer në reshje bore.
Ka patur problem linja e OST 110 që furnizon Bushat – Lezhë. Probleme me furnizimin me energji elektrike ka në Fushë Arrez, Vau Dejës, Rrenc, Dajç e Trush si dhe Zagora me Kelmendin.
