Tema e diskutimit sot në emisionin “Opinion” në Tv Klan ishte se a i paragjykojnë shqiptarët të pasurit.
Pastori Paulin Vilajeti rrëfeu historinë se si pati shansin të pasurohej por zgjodhi të dorëzonte një çantë plot me para të cilën e gjeti brenda një kabine telefonike në Londër.
Blendi Fevziu: Pastor Paulin Vilajeti pati një shans të pasurohej dhe e hodhi në Tamiz.
Paulin Vilajeti (Qesh): Jo nuk e hodha në Tamiz. Isha në Londër në vitin 2004, kisha shkuar në një konferencë dhe në atë kohë flitej tek kabinat telefonike. Hyj aty brenda dhe kur shoh një çantë plot me para. Oww thashë! E mora e futa nën sqetull, u ngjita në hotel, i numërova, 18 mijë paund dhe një pasaportë. Kishte dhe euro e franga zviceriane.
Blendi Fevziu: I ka harru ndonjë pastrues, e ke të sigurt! Po qe se janë gjithë këto kombinime monedhash.
Paulin Vilajeti: Ishte pasaportë e një greku dhe thashë ok nuk i dorëzoj. U ula me fjet dhe nuk më zinte gjumi. Shkova te recepsioni dhe i thashë do i dorëzoj. Jo tha nuk besoj të jesh i sigurt. E mori dhe e hapi, congratulations sir! Erdhi policia,nga je më thanë. Nga Shqipëria i thashë, kjo është ironia më e madhe tha. Zotëri ne në Londër nuk gjejmë më njerëz si ti.
Ishte ligji që për 40 ditë nuk paraqitej personi t’i kthenin paratë. Pas një jave më mori në telefon ai grek, tha një shqiptar gjen në Londër paret e një greku dhe i dorëzon në polici.
Më fali 8 mijë euro sepse në atë kohë po bënim shtëpinë e fëmijës në Tiranë. Ai kishte për të shkuar në Brazil dhe po të mos kishte pasaportën do e humbiste kontratën 3 milionë euro.
Blendi Fevziu: Këtë mirë qe e the sot, mos e thuaj më se do të marrin për të çmendur.
Paulin Vilajeti: Më ka thënë djali tezes je gomar. (Të qeshura në studio).
