Një skandal i vërtetë ka ndodhur në pikën e kalimit kufitar me Malin e Zi, në doganën e Muriqanit.
Një polic malazez ka dhunuar ish-këshilltarin e Presidentit të Republikës Ilir Metës, njëherazi ekspert i njohur i ekonomisë, Petraq Milon.
Dhunë është ushtruar dhe ndaj familjarëve të tij, teksa po udhëtonin me automjet drejt Malit të Zi. Në rrjetet sociale janë publikuar pamjet e të rënda të kësaj ngjarje.
Anëtari i Kryesisë së Partisë së Lirisë, u tërhoq zvarrë bashkë me familjarët e tij, pasi sipas tyre, kjo makinë nuk kishte respektuar radhën. Por dëshmitarë aty bëjnë me dije se familja Milo ishte totalisht korrekte me sjelljen e tyre, por dhuna e policisë ishte kafshërore dhe e paprecedent.
Në pamje duket se Milo dhe djali i tij tërhiqen zvarrë nga policia, teksa shqiptarë të tjerë duan ta ndihmojnë, por nuk munden dot, për shkak të frikës.
Institucionet shqiptare ende nuk kanë reaguar për skandalin e regjistruar këtë të hënë në Muriqan.
- Zbulohet emri i policit që dhunoi Petraq Milon:
Meidat kanë zbuluar emrin e policit që dhunoi familjen Milo. Mësohet se ai është Nikola Boljeviç dhe gjithmonë ka pasur konflikte me shqiptarët, sipas burimeve.
“Merr nga 10 euro, ndonjë redbull, puntorve sezonalë sidomos nga Shkodra qe te kalojnë pa probleme” – ka shkruar një qytetar gjatë denoncimit në JOQ Albania.
Pamjet e shëmtuara ku Petraq Milo trajtohet kafshërisht nga disa persona me uniformë policore të Malit të Zi kanë bërë xhiron e rrjeteve sociale, por autoritetet në Shqipëri janë njësoj sikur të mos ekzistonin fare.
- Reagimi nga kryebashkiaku i Shkodrës Bardh Spahia:
Kryetari i Bashkisë në Shkodër, Bardh Spahia ka dënuar ashpër aktin e rëndë të policit malazez i cili dhunoi ish-këshilltarin e Presidentit të Republikës Petraq Milo dhe familiarët e tij teksa po udhëtonin drejt Malit të Zi.
Me anë të një postimi në Facebook Spahia shkruan se këto pamje janë tepër të papranueshme, aq më tepër nga uniforma e shtetit, teksa u bën thirrje autoriteteve shqiptare që të kërkojnë me forcë zbardhjen e ngjarjes dhe dënimin e këtyre akteve.
Postimi i Spahisë:
“Të papranueshme dhe tejet të rënda janë këto pamje që u bënë publike nga media. Dhuna ndaj qytetarëve që lëvizin në kufirin mes Shqipërisë dhe Malit të Zi përmes pikës së kalimit kufitar të Muriqanit, është një akt skandaloz i elementëve që nuk i bëjnë nder asnjë trupe policie në asnjë vend të botës.
I bëj thirrje autoriteteve shqiptare që të kërkojnë me forcë zbardhjen e ngjarjes dhe dënimin e këtyre akteve. Autoritetet e shtetit të Malit të Zi duhet ta hetojnë rastin në fjalë dhe t’i japin dënimin e merituar veprimeve të tilla që nuk i shërbejnë aspak raporteve miqësore mes dy vendeve tona dhe punës se madhe që është bërë deri në funksionimin me një doganë të përbashkët.
Sot mbi gjithçka prevalon ligji dhe aktet e dhunës ndaj qytetarëve janë të papranueshme, aq më tepër nga uniforma e shtetit!”
