Lëkundje të fuqishme tërmeti janë ndjerë në vend mbrëmjen e sotme.
Sipas të dhënave paraprake nga Qendra Kombëtare Operacionale e Emergjencave Civile dhe Igjeum, lëkundje tërmeti me magnitudë 4.7 Richter, me epiqendër 3 km në jug të Klosit, janë ndier në të gjithë territorin e Shqipërisë.
Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Konkretisht, “ka njoftime për dëmtime në 3 shtëpi të banueshme në Njësinë Administrative Xibër”, saktësuan emergjencat civile.
“Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit”, shprehet në një reagim, Ministri i Mbrojtjes Niko Peleshi.
Tërmeti u shoqërua me paslëkundje.
Në kryeqytet, lëkundjet kanë shkaktuar panik te banorët, shumë prej të cilëve kanë dalë nga banesat. E njëjta skenë edhe në qytetet e tjera pranë epiqendrës.
Sizmiolou Rrapo Osmëni tha për mediat se tërmeti me magnitudë 4.7 ishte goditje kryesore. “Mendohet se pasgoditjet do vijnë duke u shuar“, tha ai, duke shtuar se zona e epiqendrës njihet si zonë që karakterizohet nga lëkundje të moderuara dhe jo të forta.
Sizmiolou Rrapo Osmëni tha për mediat se tërmeti me magnitudë 4.7 ishte goditje kryesore. “Mendohet se pasgoditjet do vijnë duke u shuar“, tha ai, duke shtuar se zona e epiqendrës njihet si zonë që karakterizohet nga lëkundje të moderuara dhe jo të forta.
