Sulmuesi shqiptar Ernest Muçi ka shkëlqyer sot në një miqësore për skuadrën e Legia Warszawa. 21-vjeçari ka arritur të shënojë dy gola që në pjesën e parë përballë Cukaricki.
Dopieta e shënuar nga Muçi kanë ndihmuar skuadrën polake për triumfin me rezultatin 3-2. Për më tepër, dopieta e shënuar nga ish-sulmuesi i Tiranës ishte përballë një ekipi serb.
Hera e fundit që Muçi shënoi një gol ishte në tetor përballë Wisla Plock në kupën e Polonisë. Sulmuesi shqiptar u transferua në Poloni në vitin 2021 nga Tirana me të cilën shkëlqeu për aq sa ishte pjesë e bardhebluve.
