Kapiteneria e Portit të Durrësit ka njoftuar se zjarri që përfshiu një anije këtë pasdite është fikur pas katër orësh betejë me flakët.
“Rreth ores 14:01 salla e monitorimit te kapitenerise portit Durres vuri se nga anija “Kledes Mary” me flamur panamez por me pronar shqiptar , e cila ndodhej ne raden e portit Durres po dilte tym. Menjehere njoftoi QNOD, policine e kufirit dhe Rojen Bregdetare per organizimin e operacionit te shuarjes se zjarrit dhe shpetimit te ekuipazhit. Me urdher te kapitenerise portit Durres drejt anijes u nis rimorkiatori i cili filloi te hidhte ujë ne kiçin e anijes ku kishte shperthyer zjarri. Ne ndihme erdhi edhe anija e rojes bregdetare te cilat pas 4 ore perpjekjesh benë te mundur shuarjen e zjarrit dhe shpetimin e ekuipazhit dhe anijes. Nje ndihme te madhe dhane edhe punonjesit e zjarrfikeseve te portit Durres te cilet hyne ne brendesi te anijes me bombula oksigjeni dhe kontrolluan anijen per vatra te pashuara dhe per te siguruar shuarjen plotesisht te zjarrit”, shprehet Kapiteneria.
Për ngjarjen ka reaguar edhe Ministria e Mbrojtjes. Në një postim në Facebook thuhet se falë ndërhyrjes së dy anijeve të Forcave të Armatosura “Lissus” dhe “Semani” janë evakuuar me shpëjtësi të gjithë anëtarët e ekuipazhit duke shmangur rrezikun për jetët e tyre.
“Dy anijet P-133 LISSUS dhe P-04 SEMANI dhe ekuipazhi i Forcës Detare në bashkëpunim me Sigurinë Portuale në Durrës arritën të vënë nën kontroll zjarrin e rënë në anijen tregtare “KLEDES MARY”. Efektivët tanë të Forcës Detare iu përgjigjën menjëherë thirrjes së autoriteteve portuale, duke evakuar në kohë ekuipazhin e anijes me flamur panamez dhe duke shmangur rrezikun për jetët njerëzore”, thuhet në njoftimin e ministrisë e cila ka publikuar edhe fotot e anijes.
