Trajneri portugez ka ende në mendje tërheqjen dhe traditën e Kupës së Anglisë dhe kur mendon për formatin e Kupës së Italisë turbullohet: “Nuk i mbron ‘të vegjlit’. Nëse do të isha një prej tyre, do të aktivizoja të rinjtë për t’u eliminuar”.
Formati i Kupës së Italisë nuk i pëlqen Jose Mourinho-s. Roma mundi Genoan para 60,000 shikuesve të emocionuar nga goli i Paulo Dybala dhe tani pret të dijë se kë do të sfidojë në çerekfinale, Napoli-n apo Cremonese-n (në fushë më 17 janar). Mjafton një fjali për të shpjeguar mirë se cili është mendimi i tij.
“Është trofeu më i keq në Europë, nuk i mbron skuadrat e vogla. Do të doja ta fitoja, e fitova një herë kundër Romës pikërisht këtu në Romë. Do të doja ta fitoja në Romë me Romën”.
Por ka diçka që nuk shkon dhe ai e thotë atë hapur. “Torino fiton në fushën e kampionëve të Italisë dhe ndeshjen tjetër duhet të luajë jashtë shtëpisë, sepse vitin e kaluar Fiorentina përfundoi e shtata dhe Torino ishte prapa. Kjo është diçka që nuk e kuptoj”.
Në lidhje me kalendarin dhe ndeshjen për raundin tjetër të planifikuar për të mërkurën më 1 shkurt: Napoli ose Cremonese do të jenë kundërshtarët me të cilët do të ndeshen në çerekfinale për të hyrë në gjysmëfinale.
“Të luash tre kompeticione së bashku është e vështirë, – përfundoi Mourinho, – dhe bëhet e rrezikshme të aktivizosh lojtarët më cilësorë. Dhe kështu rrezikohet të aktivizosh ata që nuk luajnë shpesh ose t’u besosh të rinjve. Aktivizova Bove dhe nuk munda të aktivizoja Tahirovic.”
