Kryeministri i Kosovës, Albin Kurti, sot emëroi Nenad Stanojeviçin, zëvendësministër për Ekonomi, si dhe Lazar Raduloviçin, zëvendësministër për Bujqësi, Pylltari dhe Zhvillim Rural në Qeverinë e Kosovës.
Kurti, siç u bë e ditur në një komunikatë, i uroi ata për detyrën dhe përgjegjësitë e reja institucionale në Republikën e Kosovës.
Në takim ishin të pranishëm edhe ministrja e Ekonomisë, Artane Rizvanolli, ministri i Bujqësisë, Pylltarisë dhe Zhvillimit Rural, Faton Peci si dhe ministri për Komunitete dhe Kthim, Nenad Rashiq.
