Detaje të reja kanë dalë në dritë lidhur me ngjarjen që ka ndodhur në shpellën e Tërvolit në Gramsh, ku ka mbetur i bllokuar 41-vjeçari Andrea Dervishi.
Mësohet se ai kishte shkuar në shpellë për të kërkuar florid he ka hyrë në shpellë me një litar të shkurtër, por kur ra nata ka tentuar të ngjitet për të dalë, por nuk ka mundur.
Ai kuptoi se mbeti brenda dhe ka kërkuar ndihmën e policisë, por momentalisht nxjerrja e tij nga shpella është mission i pamundur.
Forcat e policisë dhe ato të shpëtimit kanë shkuar në vendin e ngjarjes për ta ndihmuar, por nuk kanë mundur dot dhe pritet që aksioni për nxjerrjen e tij nga shpella të nisë nesër në orët e para të mëngjesit
Grupi i shpëtimit është duke e mbajtur 41-vjeçarin në monitorim dhe momentalisht gjendja shëndetësore është e mirë, ndonëse temperaturat në këtë zonë pritet të shkojnë nën zero gradë.
Ndërkohë policia po punon për të zbardhur rrethanat e ngjarjes dhe për të hedhur dritë, mbi atë çka 41-vjeçari kishte si synim, kërkimin e flurorit në shpellën e Tërvolit.
