Një 56-vjeçar nga Vora është arrestuar në flagrancë pasi u gjetën armë zjarri automatik dhe municion luftarak në banesë.
U sekuestruan, në cilësinë e provës materiale, një armë zjarri automatik, një krehër dhe municion luftarak.
“Shërbimet e Komisariatit të Policisë Vorë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative, kanë organizuar punën dhe kanë finalizuar me sukses operacionin policor të koduar “Marikaj”.
Si rezultat i këtij operacioni, u bë arrestimi në flagrancë i shtetasit A. S., 56 vjeç, banues në Marikaj.”-njofton policia.
Materialet i kaluan Prokurorisë, për veprime të mëtejshme procedurale.
