Një ngjarje e rëndë ka ndodhur në Caterham të Britanisë së Madhe, ku një 20-vjeçare ka humbur jetën pas një sulmi nga qentë e rrugës.
Sipas mediave vendase, e reja është sulmuar nga 7 qenë rruge teksa ishte duke u kthyer për në shtëpi.
Vajza kishte dalë për një shëtitje, kur qentë iu sulën duke i shkaktuar plagë të rënda që i sollën edhe vdekjen.
Policia deklaroi se ata u thirrën në Gravelly Hill pas raportimeve se qentë po sulmonin qytetarët në orën 14:45 të së enjtes.
20-vjeçarja ndërroi jetë në vendngjarja për shkak të gjakderdhjes së madhe. Identifikimi zyrtar ende nuk është bërë, por të afërmit e saj janë informuar dhe po mbështeten nga oficerë specialistë.
“Një grua e dytë u dërgua në spital me kafshime qeni, por gjendja e saj nuk është në rrezik për jetën”, tha gjithashtu policia.
Oficerët e armatosur, me mbështetjen e Shërbimit Ajror të Policisë Kombëtare, kapën në vendngjarje gjithsej shtatë qen.
.
