Sekuestrimi i 51 mijë litra naftë kontrabandë një ditë më parë në Portin e Durrësit ka nxjerrë në dritë të tjera detaje.
Sipas burimeve për mediat bëhet me dije se kanë nisur hetimet për anijen e sekuestruar “Geni”, e cila kishte 51 mijë litra naftë kontrabandë në hambarin e saj, si dhe ka nisur procedimi për kapitenin dhe personat që ndodheshin në ekuipazh.
Sasia e naftës dyshohet se është marrë në det të hapur nga mjete të tjera lundruese, me çmim më të ulët.
Kujtojmë se brenda 6 muajsh, kjo është anija e katërt që kapet me naftë kontrabandë. Nafta kontrabanda merret kryesisht nga Libia dhe më pas e shesin në treg me çmim më të lartë.
