Një aksident ka ndodhur ditën e sotme gjatë punimeve në Rrugën e “Arbrit”. Mësohet se një fadromë është përmbysur, pasi nuk i ka funksionuar si duhet sistemi i frenimit.
Për pasojë punonjësi i firmës “Gjoka” me inicialet L.V. ka mbetur i plagosur dhe është transportuar me urgjencë për në spital. Ngjarja ndodhi pranë tunelit të Murrizit.
“Në afërsi të tunelit të Murrizit, gjatë punës shtetasi L.V., duke drejtuar mjetin tip fadromë në pronësi të një subjekti, ka humbur kontrollin mbi mjet duke rënë në anë të rrugës. Për pasojë është lënduar drejtuesi i mjetit i cili është dërguar për ndihmë mjekësore në spital. Grupi hetimor po kryen hetimet në vendngjarje për zbardhjen e shkaqeve të aksidentit“, njofton policia.
