Një protestë është zhvilluar në Mitrovicë të Veriut ku është kërkuar lirimi i të ndaluarit Sllagjan Trajkoviç. Protesta u organizua nga gruaja e Sllagjan Trajkoviçit me familjen, miqtë dhe fqinjët e saj. Avokati i Trajkoviçit, Dejan Vasiç, ka thënë se klienti i tij është me diabet dhe se gjendja e tij shëndetësore është përkeqësuar në paraburgim për shkak të trajtimit joadekuat.
“Bëhet fjalë për një mikpritës të mirë, një njeri që mbi të gjitha është kujdesur për barazinë dhe ka ndihmuar që në lagjen ku jeton, në Mëhallën e Boshnjakëve, të mos ketë tepricë mes shqiptarëve dhe serbëve. Që të jetojë njësoj, bukur dhe në paqe me fqinjët e tij shqiptarë dhe me serbët dhe sot u mblodhën për ta përkrahur në këtë mënyrë. Dëshirojnë t’i tregojnë gjykatës para se të vendoset për vazhdimin e masës së paraburgimit se Trajkoviç nuk e ka merituar atë që po i ndodh dhe as a ka bërë atë për të cilën akuzohet”, tha ai.
Prokuroria Speciale dje ka dorëzuar kërkesën për vazhdimin e paraburgimit të Sllagjanit, për të cilën do të vendosë Gjykata Themelore në Prishtinë deri më 15 janar. Ish-pjesëtari i Policisë së Kosovës, Sllagjan Trajkoviç, u arrestua më 16 dhjetor të vitit të kaluar dhe u akuzua për krime lufte.
