Mesfushori Hakan Calhanoglu ka më shumë gjasa nga lojtarët e Interit që aktualisht janë të dëmtuar të jetë plotësisht i gatshëm në kohë për të qënë titullar për zikaltërit kundër Hellas Verona të shtunën.
Ky lajm vjen nga transmetuesi italian Sky Sport Italia, nëpërmjet FCInter1908, i cili raporton se turku është përpara futbollistëve si Nicolo Barella, Romelu Lukaku dhe Marcelo Brozovic për të kontribuar nga minuta e parë në takimin e ardhshëm të Serie A.
Ndërkohë, Brozovic vazhdon të rikuperohet dhe klubi nga Milano shpreson që kroatin ta ketë sa më shpejt të jetë e mundur në dispozicion, pasi po afron një periudhë shumë e rëndësishme për skuadrën.
