Një shtetas shqiptar i cili kërkohej nga autoritetet në vend pasi është akuzuar dhe dënuar me 1 vit e 4 muaj burg për një skemë mashtrimi, është vënë në pranga nga policia në Nju Jork të SHBA-ve.
Sipas njoftimit zyrtar nga Zyra e Emigracionit në pranga ka përfunduar Gazmir Xhurxhi për motivin se kishte shkelur afatin e përcaktuar në vizën e tij për qëndrim në SHBA.
Por përveç kësaj, Xhurxhi i cili ka ushtruar profesionin e avokatit në Shqipëri duhet të vuajë dënimin me burg në vendlindje pasi në janar të vitit 2018 është arrestuar teksa akuzohej se kishte mashtruar një qytetar, duke i marrë 17 milionë lekë të vjetra.
Por ndërkohë, më 3 tetor të vitit 2018 ai mbërrin në SHBA me vizë dhe duhej të qëndronte aty deri më 2 prill të vitit 2019.
Sakaq, gjykata e Tiranës e dënoi Xhurxhin për mashtrim më 8 maj të vitit 2018, por që prej asaj kohe ai kishte shkelur vizën duke qëndruar në SHBA.
Mësohet se Xhurxhi u arrestua përpara shtëpisë së tij në Bruklin dhe nuk bëri rezistencë ndaj autoriteteve.
