Në një seancë e cila zgjati 2 orë, Gjykata e Posaçme dëgjoi 4 dëshmitarë në gjyqin ku po gjykohen 5 të pandehurit Leonard Xhixha, Bujar Leza, Skënder Vathi, Xhulio Visha dhe Ernejt Shyti, për vrasjen e Behar Sofisë, ngjarje e regjistruar në 25 shkurt të 2021.
SPAK kërkoi që nëpërmjet dëshmisë së tyre të konfirmonte njohjen e Leonard Xhixhës dhe Skënder Vathit, dy nga personat e akuzuar në role të rëndësishme në vrasjen e Sofisë në qendër të Tiranës.
Megjithëse një prej dëshmitarëve pranoi se i kishte parë ata të qëndronin bashkë dhe konsumonin kafe, dëshmitarët e tjerë u treguan të paqartë nëse i njihnin apo jo dy të akuzuarit.
Ngjarja fillimisht u zbardh ndjekja nëpërmjet kamerave të sigurisë së lëvizjeve që bëri i riu Ernejt Shyti, i akuzuar si ekzekutori fizik i Sofisë, më pas ai pranoi të bashkëpunonte me drejtësinë, duke treguar emrat e personave të tjerë të implikuar, duke nxjerr në dritë edhe një tjetër shtetas, ende të paidentifikuar si porositës të krimit.
