Policia ka arrestuar këtë të mërkurë shtetasin A.M, 50 vjeç, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ky shtetas, në rrugën “Ali Demi”, në Vlorë, duke drejtuar automjetin tip “Citroen”, ka aksidentuar këmbësoren, shtetasen V.H., 60 vjeçe.
E moshuara aktualisht ndodhet në spitalin e Vlorës, jashtë rrezikut për jetën.
Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë.
