Ish-presidenti brazilian Jair Bolsonaro postoi të hënën një foto nga spitali në Orlando, Florida.
Bolsonaro tha se ai po merrte trajtim për komplikime që lidhen me një plagë të vjetër me thikë.
Më herët, gruaja e tij, Michelle Bolsonaro, tha në një postim në Instagram se “shqetësimi” i të barkut lidhur me lëndimet nga një sulm me thikë gjatë një mitingu politik në 2018.
Shtrimi në spital i Bolsonaro vjen pasi qindra mbështetës të tij sulmuan kryeqytetin Brasilia të dielën, duke shkatërruar zyrat e qeverisë dhe duke tërhequr dënime të forta nga komuniteti ndërkombëtar. Sipas ministrit brazilian të drejtësisë Flavio Dino, që nga e hëna, rreth 1,500 njerëz ishin arrestuar.
Ish-udhëheqësi denoncoi sulmin në një postim në Twitter të dielën, por ekspertët thonë se pretendimet e tij të përsëritura dhe të pabaza për mashtrime zgjedhore në prag të zgjedhjeve të tetorit shërbyen për të nxitur zemërimin mes mbështetësve të tij. Para dhunës së së dielës, ata kishin kampuar për muaj të tërë në kryeqytet dhe siguria jashtë ndërtesës së kongresit ishte fortifikuar për shkak të pranisë së tyre.
Bolsonaro u largua nga Brazili për në Shtetet e Bashkuara më 30 dhjetor, sipas CNN Brasil – vetëm dy ditë para inaugurimit të pasuesit të tij, Presidentit Luiz Inácio “Lula” da Silva. Pesë nëpunës civilë u autorizuan ta shoqëronin atë në Miami nga 1 deri në 30 janar.
