Sot në emisionin “Pushteti” të Juela Meçanit ishte i ftuar nënkryetari dhe deputeti i PD Luçiano Boçi për të folur mbi zhvillimet politike në vend teksa 5 muaj na ndajnë nga zgjedhjet e 14 majit, ku ai kandidon për kryetar në qytetin e Elbasanit.
Boçi tha se kjo garë është një sprovë e madhe dhe etapa më e rëndëishme për karrierën e tij politike.
Boçi: Nuk mund të themi se unë kam lënë dicka të madhe, për mua karriera politke nuk është gjendje qetësia, por betejash të vazhdueshme, sfidash me kundërshtarin. Do ishte e gabuar të bësh karrierë të mos kesh pjesën e mbështetjes. Sukseset nuk duhet të jenë virtuale. Që karriera të behet solide, ajo duhet të ketë sprovën e menaxhimit të një qeverisje. Nëse ka një provë për një politikan që të jetë i sukseshëm duhet të kalojë në provën e qeverisjes. Të mos qëndrojë në nivelin e ligjërimit. Vetëm në këtë rast mund të arrish atë suksesin. Unë e konsideroj fitimin e bashkisë, marrjen e menaxhimit të saj si një etapë të rëndësishme të karrierës time, etapën më të rëndëishme. Asnjëherë nuk duhet të ecim me idenë që karriera të ketë një ngjitje politke, le ta quajmë sprovën kryesore të karrierës time. Bashkia Elbasan është nyja kyçe se kush do jetë fituesi.
