Presidenti i Francës, Emmanuel Macron, gjatë një diskutimi me fëmijët nga La Papotin, një gazetë e themeluar në vitin 1990 në një qendër kujdesi për të rinjtë me autizëm, iu bë një pyetje e sikletshme.
Pyetja që ra në sy dhe është bërë virale kishte të bënte me marrëdhënien e Macron me gruan e tij, Brigitte Macron , me “gazetaren informale”, siç përshkruhet nga Associated Press , duke i kërkuar presidentit francez ta lexonte vetë.
“Ai është president. Ai duhet të japë shembull dhe të mos ishte martuar me mësuesen e tij” shkruhej në letër.
“Nuk bëhet fjalë nëse duhet të jepni apo jo një shembull. Kur je i dashuruar, zgjedhja nuk është e jotja”, u përgjigj fillimisht presidenti francez dhe shtoi: “Ajo nuk ishte tamam mësuesja ime. Ajo ishte mësuesja ime e aktrimit. Nuk është njësoj,” tha presidenti francez.
Brigitte Macron ishte nënë e tre fëmijëve dhe 24 vjet më e madhe se ai kur u takuan në shkollën e mesme ku ai ishte student dhe ajo mësuese përpara se të martoheshin përfundimisht në 2007.
