Ka dalë sot para gjykatës, 32-vjeçarja Orjana Gremi, e cila hodhi foshnjen në Lumin Kir në Shkodër, disa ditë më parë.
Ajo ndodhet në ambientet e paraburgimit dhe pritet që në 10:30 të njihet me masën e sigurisë që gjykata ka caktuar për të.
Ngjarja u zbulua më 7 janar të këtij viti, ku një foshnje vetëm 7 ditëshe u gjet e mbuluar me batanije dhe plastmase buzë lumit. Foshnja, djalë, u lind nga Orjana Gremi më 30 dhjetor 2023 në maternitetin e Shkodrës.
Mjekët e spitalit ku ajo lindi deklaruan se nuk kishte probleme të shëndetit mendor dhe se ishte trajtuar me psikolog. Orjana Gremi, ishte e pamartuar dhe jetonte vetëm me dajën në fshatin Myselim në Shkodër. Identiteti i babait të foshnjes ende nuk dihet.
