Mbarë shoqëria është tronditur nga ngjarja e rëndë në Shkodër ku një 32-vjeçare hodhi foshnjën e saj të porsalindur në lumin Kir.
Trupi i pajetë u gjet pas kërkimeve gjatë mbrëmjes së djeshme dhe orëve të para të mëngjesit të sotëm, 7 janar 2022 në vendin e quajtur Postribë, në lumin Kir.
“E hodha sepse nuk kisha mundësi ta mbaja” i ka thënë ajo policisë së Shkodrës.
Orjana Gremi kishte dalë nga spitali pikërisht më 4 janar.
Sipas të dhënave të para 32 vjeçarja rezulton e lindur në Fier dhe ka jetuar në Shkoder tek të afërmit e saj.
Mendohet që foshnja që kishte lindur më 30 dhjetor 2022 është hedhur në lum dy ditë para se ta gjejnë dhe kanë qenë misionaret e kishës katolike që kanë njoftuar dje policinë pasi kanë parë që e reja nuk ka pasur fëmijën.
Gremi rezulton të ketë marrë bonusin e fëmijës së parë në vlerën e 400 mijë lekëve.
