Sulmuesit anglez, Harry Kane i ka mbetur në mendje ajo penallti e humbur ndaj Francës në çerekfinalen e Botërorit, ku Anglia u eliminua pas humbjes 1-2.
Në një intervistë të dhënë së fundmi, Kane tha se ajo penallti do i kujtohet gjithë pjesën tjetër të jetës, po shtoi se nuk do e lejojë që ajo penallti e humbur të ndikojë tek ai si lojtar apo si njeri.
“Me shumë mundësi atë penallti të humbur kundër Francës do ta kujtoj për të gjithë pjesën e mbetur të jetës. Por, kështu e ka futbolli, do të vijoj të punoj fort dhe të përmirësohem. Pasi humba penalltinë, mendova të rikthehesha në lojë, ta harroja gabimin sa më shpejt të ishte e mundur pasi ishte një moment vendimtar i sfidës.
Tani më duhet të merrem me atë penallti të humbur në çdo ditë që kalon, por nuk do ta lejoj që diçka e tillë të ndikoj tek unë si lojtar apo person”, tha ai.
