Xhuliano Skuka, “heroi” i Partizanit, është futur në rrjetën e tre klubeve të Serie A. Listës së të interesuarve i është shtuar edhe Empoli.
Trajneri aktual i Empolit, Paolo Zaneti, ka qenë i pranishëm në “Air Albania” gjatë derbit të luajtur në fund të dhjetorit, me qëllim për të parë nga afër Xhuliano Skukën.
Në ditët në vijim pritet që edhe Empoli të prezantojë ofertën e vet për Skukën.
Drejtori i HELLAS VERONA, Dritan Dervishi, pas derbit kanë trokitur në derën e Partizanit dhe kanë bërë një ofertë për 24-vjeçarin. Oferta fillestare mësohet të ketë qenë 500 mijë euro, një shifër, së cilës kreu i klubit të kuq i është përgjigjur negativisht në mënyrë të prerë.
Italianët më pas kanë analizuar situatën dhe pretendimet e të kuqve dhe mësohet të jenë kthyer me një ofertë shumë më të përmirësuar, rreth 750 mijë euro, plus 25% të së drejtës së kartonit. Gjithsesi, as kjo ofertë nuk e ka bindur Partizanin.
Leçe është vënë në lëvizje për ta zëvendësuar Lorenzo Kolombo dhe ka zgjedhur Skukën, të cilin është gati ta marrë që në këtë merkato për t’i dhënë kohë ambientimi.
