Një aksident i rëndë ka ndodhur në Maminas, ku një makinë është përplasur me një motorr.
Një automjet ka përplasur motorrin dhe për pasojë janë plagosur dy persona, një 30-vjeçar dhe shtetasi tjetër i mitur me iniciale K.R, të cilët janë transportuar me urgjencë drejt Spitalit të Traumës në Tiranë dhe ndodhen në gjendje të rëndë.
“Në Maminas, Durrës, automjeti me drejtues shtetasin A. S., 41 vjeç, ka përplasur motomjetin me drejtues shtetasin V. H., 30 vjeç. Si pasojë e përplasjes, janë dëmtuar shtetasit V. H. dhe shtetasi i mitur K. R., 15 vjeç (pasagjer në motomjet), të cilët ndodhen në spital, në kujdesin e mjekëve“, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
