Analisti Baton Haxhiu ka habitur jo pak me një deklaratë të fortë në mbështetje të Serbisë që ka shprehur gjatë debatit mes gazetarëve dhe analistëve në emisionin “Çim Peka live”.
“Në Kosovë nuk janë respektuar të drejtat e minoritetit serb”, tha Haxhiu teksa diskutohej për situatën e krijuar në përfundim të vitit 2022 në katër komunat serbe në Veri, ku ishin banda kriminale serbe që bllokuan qarkullimin normal duke shkaktuar tensione me djegien e institucioneve zgjedhore e vendosjen e barrikadave.
Në vazhdim të fjalës së tij, Baton Haxhiu tha edhe se liderët e Kosovës e kanë dëmtuar vendin me narracionin public mbi çështjen e ndarjeve të kufijve me Serbinë.
“Ka mbet kjo e Veriut. Nuk thashë unë me fal Veriun. Ta thashë para se me ardh në emission. Nëse ka ndonjë narracion që e ka rëndu, e ka shkatërru Republikën e Kosovës është narracioni publik për korrigjimin e kufirit. Fakti se ka qenë një e pavërtetë në narracion janë shkaktuar këto probleme. Unë e kam ditë fundi nga vjen dhe e di se është shumë e vështirë me mbrojtë diçka që e kanë falë ndërkombëtarët”, shtoi analisti.
Ndërkohë modderatori Çim Peka i tha Haxhiut se ai sapo ka pranuar se në kohën e Hashim Thaçit ia kanë vendosur në tavolinë kufijtë Serbisë.
“Ti the i vendosëm dhe thamë ne do i marrim këto e do japim atë e këtë”, u shpreh Peka.
