Dibran Hoxhaj dhe 5 bashkëpunëtorët e tij janë paraqitur në Gjykatën Themelore të Prizrenit për caktimin e masës së sigurisë.
Sipas Prokurorisë, Dibran Hoxhaj akuzohet për veprat penale “Vrasje e rëndë”, armëmbajtje pa leje dhe manipulimi me prova. Bashkëpunëtorët janë identifikuar si Arben Vezaj, Burim Mazreku, Jesmir Badalli, Kujtim Gashi dhe Enver Amrallahi, të cilët akuzohen për veprën penale “Pjesëmarrja në rrahje”.
Dibran Hoxhaj qëlloi me armë në drejtim të makinës me të cilën udhëtonin 3 djem nga Kukësi, duke lënë të vdekur 31-vjeçarin Visart Cengu dhe të plagosur rëndë mikun e tij Rufgen Shehu (27-vjeç).
Sherri ka nisur pasi të rinjtë nuk kanë pranuar që të paguanin faturën prej 400 eurosh që kishin konsumuar në lokalin e Dibran Hoxhajt.
Kallxo.com ka publikuar pamje kur Dibran Hoxhaj dhe të tjerët sillen në gjykatë. Kobra ka vendosur kapelen e xhupit duke tentuar që të mos kapet nga kamerat.
