Andrew Bode, 44 vjeç, me origjinë nga Berati, dyshohet të jetë ekzekutori i Edmond Papës në 16 dhjetor në zonën e Selitës në Tiranë.
Mësohet se Bode ka emrin e tij të dytë, teksa më herët ka mbajtur emrin Edvin Bode, por për shkak të problemeve me drejtësinë e ka ndërruar para disa vitesh. 44-vjeçarit është shpallur në kërkim nga policia, por akoma nuk është lokalizuar për t’u arrestuar.
Burime për mediat bëjnë me dije se ai është ndihmuar nga Albano Velo për të eliminuar Edmond Papën për hakmarrjen e vrasjes së Aleksandër Sadikajt në qershor të vitit të shkuar.
- Si ndodhi ngjarja e 16 dhjetorit 2022?
Mësohet se Andrew Bode ka mbërritur në vendin e ngjarjes me një Smart të marrë me qira. Ka qenë kamera e një lavazhi pranë vendit të ngjarjes, që ka shërbyer për të zbuluar autorët e vrasjës së biznesmenit Edmond Papa.
Sipas informacioneve të mediave makina tip “Audi” me targa belge e drejtuar nga Albano Velo është fiksuar ditën e ngjarjes duke kryer disa levizje në afërsi të banesës së biznesmenit nga Saranda. Atë ditë, rreth orës 14:00 Velo shikohet nga një kamer që lëviz me mjetin e tij në afërsi të shkollës “26 Nëntori”. Ai parkon makinën tek një biznes lavazhi dhe drejtohet për tek një fastfud.
Por vetëm pak minuta ka qëndruar aty pasi po në të njejtën kamer shikohet se ai bën disa lëvizjë të çrregullta teksa merr makinen dhe niset për tek rruga “Fabil Bodinaku”. Nga ana tjeter autori i dyshuar i ngjarjes shetasi Andrew Bode, 44 vjeç, i cili ka qëlluar mbi biznesmenin po qëndronte nga krahu i tjeter i rrugës në afërsi të një supermaketi brenda një makine tip Smart të zi e cila rezulton të jëtë më qira.
Sapo ka parë që Papa doli i vetëm nga banesa ai ka lajmëruar Velon që të qëndrojë në gadishmëri për tu larguar më pas të dy nga vendi i ngjarjes. Në momentin kur biznesmeni 49 vjeçar, Edmond Papa është ulur në lokal autori ka hapur zjarr dhe është larguar nëpër rrugica ku e priste Albano Velo.
Po ashtu një kamer tjetër sigurie ka pikasur momentin kur Audi A4 me targa belge nga dalë nga rruga “Irfan Tomini” dhe i është drejtuar “Pallatit me Shigjeta” për tu larguar më pas drejt autostradës.
Sipas vëzhgimit ata janë rikthyer sërisht në Tiranë pas disa orësh por me rroba të ndryshuara nga ato që kishin përdorur gjatë krimit.
Nga ana tjeter prokuroria ka kërkuar thellimin e hetimeve ku në pyetje do të merret Dilvaer Velo, babai i Albanos për të mësuar nësë dajli i tij ka pasur kontakte me persona me precedent kriminal.
