Rritja e kostos së jetesës ka ndikuar në të gjithë botën. Rezultatet e anketës vjetore të Economist Intelligence Unit (EIU) që krahason koston e jetesës në qytete të ndryshme anembanë botës, nuk janë befasuese.
Hulumtimi ka rritur në konkluzionet se rritja mesatare e kostos së jetesës për vitin 2022, krahasuar me një vit më parë, është 8.1%.
“Lufta në Ukrainë, sanksionet perëndimore kundër Rusisë dhe politikat e Kinës me zero Covid kanë krijuar probleme në zinxhirin e furnizimit, i cili i kombinuar me rritjen e normave të interesit dhe ndryshimet në normat e monedhës kanë çuar në një rritje të kostos së jetesës në të gjithë botën”, thotë shefja e kërkimit në EIU, Upasana Dutt.
Ajo shton se ky ndikim është i qartë, pasi rritja mesatare e çmimeve në 172 qytetet që kemi studiuar në kërkimin tonë është më e madhja në 20 vitet që kemi pasur të dhëna dixhitale. Rritja e karburantit ka qenë e konsiderueshme, por gjithashtu ushqimi, shërbimet komunale dhe mallrat e tjera shtëpiake po bëhen gjithnjë e më të shtrenjta për banorët e qytetit.
10 qytetet më të shtrenjta në botë për Economist Intelligence Unit janë:
-Nju Jork
-Singapor
-Tel Aviv
-Hong Kongu
-Los Anxhelosi
-Zyrih
-Gjenevë
-San Francisko
-Paris
-Kopenhagen
