Fitorja në derbi i dhuroi Partizanit një bonus më shumë në garë për titull, në një kohë kur thelluan diferencën me Tiranën, rivali i tyre më i madh këtë sezon.
Eneo Bitri, kapiteni i Partizanit duke folur për Sport News theksoi se suksesi në derbi ishte ndjesia më e bukur që ka përjetuar, duke marrë hak ndaj Tiranës. Bitri nuk preferoi të flas për titull, por shprehet i bindur se ky ekip mund të thyej çdo tabu.
“U ndjeva shumë mirë që më dhanë shiritin e kapitenit, nuk e kisha menduar por erdhi dita dhe do të bëj maksimumin për ta merituar. Është merita e trajnerit Kolela që ne jemi këtu, dhe mund të bëjmë shumë gjëra të mira bashkë. Ndeshja e fundit ishte më e bukura, ajo kundër Tiranës. Egantia na ka hapur shumë probleme si në ndeshjen e parë që e fituam 2-1 në minutat e fundit si dhe ndeshjen tjetër që humbëm edhe pse nuk e merituam, por futbolli i ka këto. Ky vit është ai i tabuve të Partizanit, jemi të lumtur që fituam në derbi pas 3 vitesh në “Air Albania”. Kampionati është ende i gjatë dhe duhet të presim për tu shpallur kampionë”, u shpreh Eneo Bitri.
