Drejtuesi i mjetit që një javë më parë përplasi për vdekje një 60-vjeçar në Elbasan, dyshohet se është arratisur për në Itali.
Pas hetimeve intensive dhe sigurimit të provave të shumta autori është arritur të identifikohet.
Aksidenti me vdekje ndodhi në 22 Dhjetor 2022 në vendin e quajtur “Ura e Zezë” në Papër të Elbasanit.
Burime jo zyrtare sipas BË kanë bërë me dije se autori i dyshuar i kësaj ngjarje, rezulton se pas aksidentit është arratisur përtej Adriatikut.
Viktima e këtij aksidenti, Dalip Xhakoj, rreth 60-vjeç nga fshati Vidhas i Elbasanit u identifikua tri ditë pas ngjarjes, ndërsa drejtuesi i automjetit që u përfshi në aksidentin në fjalë deri këtë prag fundjave ishte ende i paidentifikuar pasi ishte larguar larguar menjëherë nga vendngjaja.
Për identifikimin dhe kapjen e tij policia ka punuar intensivisht edhe në bashkëpunim me Prokurorinë e Rrethit Gjyqësor Elbasan.
