Stuhia dimërore lë të paktën 38 të vdekur në mbarë vendin pasi banorët në perëndim të Nju Jorkut mbeten të bllokuar nën këmbët e dëborës
Një stuhi masive dimërore ka mbërthyer pjesën më të madhe të SHBA-ve me temperatura ekstremisht të ftohta dhe reshje të dendura dëbore.
Të paktën 37 viktima janë regjistruar në mbarë vendin, ndërsa në pjesë të caktuara të Nju Jorkut perëndimor dëbora ka arritur deri në 1 metër, duke lënë automjetet të bllokuara dhe pa energji mijëra persona gjatë fundjavës së Krishtlindjes.
Guvernatori i Nju Jorkut Kathy Hochul tha për CNN se kjo është “stuhia më shkatërruese në historinë e Buffalo“.
Reshjet e dendura të borës dhe stuhitë i bënë rrugët të pakalueshme me dukshmëri zero, ngrinë nënstacionet e energjisë elektrike dhe lanë të paktën 17 persona të vdekur në të gjithë shtetin që nga mbrëmja e së dielës.
Ekuipazhet e shpëtimit dhe qindra shoferë u nisën në ditën e Krishtlindjes, por edhe automjetet e urgjencës kanë ngecur në dëborë.
“Ekipi i shpëtimit po shpëtonte njerëzit e mbetur në dëborë, por njëmbëdhjetë ambulanca duhej të braktiseshin pasi u mbuluan nga dëbora… ishte kaq e tmerrshme“, tha ekzekutivi i “Erie County”, Mark Poloncarz gjatë një konference shtypi të dielën.
WILD VIDEO: Crazy blowing snow continues in Buffalo with wind gusts of 30-40 mph. Travel still remains difficult in Erie County, NY. #wind #snow #NYwx pic.twitter.com/0xwyyOQ75T
— WeatherNation (@WeatherNation) December 25, 2022
Ai gjithashtu tha se shumë nga vdekjet e lidhura me motin në Nju Jork ishin në Erie County, ku disa njerëz u gjetën të vdekur në makina dhe në rrugë në pirgjet e borës.
Vdekjet e raportuara në Buffalo “janë njerëz që gjenden jashtë dhe në makina”, thuhet në një deklaratë të Policisë së Buffalo.
Qindra trupa të Gardës Kombëtare janë vendosur për të ndihmuar në përpjekjet e shpëtimit në Nju Jork. Policia e shtetit ishte përfshirë në mbi 500 operacione shpëtimi deri të dielën, duke përfshirë lindjen e një fëmije dhe ndihmën e një burri me 4% jetë të mbetur në zemrën e tij mekanike, tha guvernatori.
“Ne jemi ende në grahmat e kësaj situate shumë të rrezikshme kërcënuese për jetën“, tha Hochul, duke u kërkuar banorëve të qëndrojnë jashtë rrugëve pasi ndalimi i drejtimit të automjetit mbetet në fuqi në qarkun Erie deri të hënën.
Ndërsa kushtet e stuhive fshikulluese përfshiu rajonin, rreth 500 shoferë u gjendën të bllokuar në automjetet e tyre të premten mbrëma deri në mëngjesin e së shtunës, sipas Poloncarz, i cili përshkroi kushtet e frikshme në rrugë.
Vdekje të lidhura me stuhinë u raportuan gjithashtu në Vermont, Ohio, Missouri, Wisconsin, Kansas dhe Kolorado. Temperaturat në Florida-n e Jugut ranë aq poshtë, saqë iguanat ngrinë dhe ranë nga pemët.
Shteti perëndimor amerikan i Montana është më i godituri nga i ftohti, me temperatura që bien në -50F (-45C).
