Vetëm një orë pas mbylljes së takimit midis kryeministrit Albin Lurti me komandatin e KFOR-it dhe shefin e EULEX-it për të diskutuar një zgjidhje të shpejtë dhe afatgjatë për barrikadat e vendosura në Serbi, në Veri të Kosovës është sulmuar në mes të ditës ekipi i një televizoni që raportonte mbi situatën aty.
Sipas Klan Kosova ekipi i tyre është sulmuar me gurë teksa po udhëtonin me makinë në drejtim të Zubin Potokut.
Ngjarja ka ndodhur në fshatin Zupç dhe si pasojë janë lënduar një gazetare dhe shoferi.
Në momentin e sulmit brenda makinës ndodheshin gazetarët Qëndresa Bellagoshi dhe Drin Demiri, kameramani Agon Bejtullahu dhe shoferi Elsad Sinani.
Sakaq, personat që e kryen sulmin kanë qenë të maskuar. Ngjarja është raportuar në polici, ndërsa përbën rastin e dytë që një ekip i Klan Kosovës sulmohet në veri, pasi gazetarët e këtij televizioni u sulmuan edhe më 19 dhjetor.
