Historia e Arturit në “Shihemi në Gjyq”, këtë të diel ka prekur Eni Çobanin e cila është përlotur. Arturi ka sjellë motrën për tu përballur, pasi gjatë një aksidenti me makinë që ai kishte pësuar dhe kishte rënë në koma, e motra kishte falur autorin duke e liruar nga burgu.
Nga kjo ai ndihet sikur motra dhe vëllai i tij e kanë braktisur dhe ai ka mbetur i vetëm i aksidentuar dhe me borxhet që i ka lënë i ati.
Mirëpo pas kësaj ka reaguar dhe Eni e cila ka treguar rastoin e saj të aksidentin ku shprehet se duhet të jetë e lumtur që ka shpëtuar pasi jo të gjithë e kanë fatin të shpëtojnë në aksidente të tilla.
“Me Arturin jemi takuar pak ditë më parë dhe dhimbja e tij, fjalët tepër tronditëse më bënë që sigurisht të mos ngurroja edhe sepse kjo është një natë magjike, ne duhet të ndajmë pak dhimbjen, sepse kjo ka edhe përulësinë, edhe humanizmin, edhe dashurinë ndaj atyre që kanë nevojë. Kështu që prandaj kam sjellë Arturin sot. Artur faleminderit për ardhjen tuaj sot këtu në këtë seancë ndërmjetësimi. Realisht unë jam shumë e prekur, sepse sot me ty, me Jonidën dhe më gjithë publikun, dua të ndaj një ndjesi tjetër e cila më bëri të afroj edhe ty sot në këtë seancë ndërmjetësimi. Unë nuk e kam pasur këtë mundësi, prandaj do të ta jap ty. Edhe unë jam një person që kam pësuar një aksident shumë të rëndë. Unë vetes nuk i dhashë mundësinë për të folur, por ai është një moment shumë tragjik dhe jo kushdo mbijeton, kështu që ne të dy sot duhet ta themi që jemi me fat që shikojmë njëri tjetrin në sy dhe jemi gjallë dhe me shëndet”, ka thënë Eni Çobani.
