Ka ndërruar jetë në moshën 65-vjeçare këngëtari i grupit Faithless, Maxi Jazz. Ai ishte zëri i hiteve të mëdha si ‘Zoti është DJ’ dhe ‘Insomnia’.
Grupi i tij ka njoftuar ndjekësit dhe fansat se këngëtari u nda nga jeta mbrëmë, duke folur për të me fjalët më të bukura.
“Na vjen keq të njoftojmë se Maxi Jazz ka ndërruar jetë mbrëmjen e djeshme. Ai ishte një njeri që ndryshoi jetën tonë në shumë mënyra. Ai i dha kuptimin dhe mesazhin e duhur muzikës sonë. Ai ishte gjithashtu një njeri i mrekullueshëm për të gjithë ishte një njeri i mençur dhe i urtë. Ishte një nder dhe, natyrisht, një kënaqësi e vërtetë të punoja me të. Ai ishte një tekstshkrues brilant, një DJ, një budist me një prani të madhe skenike, një entuziast i makinave, një burrë i bukur, një gjeni”, shkruan ata.
Maxi Jazz themeloi ‘The Soul Food Cafe System’ si DJ në 1984, pasi kishte zbuluar hip hopin një vit më parë. Jazz themeloi Namu Records në 1992 për të lançuar muzikën e grupit në formën e tre EP-ve dhe grupi bëri turne si një akt mbështetës për artistë të ndryshëm. Në vitin 1996, Maxi Jazz dhe Soul Food Cafe incizuan dhe publikuan albumin ‘Original Groovejuice vol.1’ me Revco Records në Deptford, Londra e Jugut. Pas shpërbërjes së grupit, Jazz punoi në të gjithë Evropën dhe mori kohë për të punuar me Jah Wobble në albumin ‘Invaders of the Heart’, e ndjekur nga shfaqje live me Wobble Collective.
