Pasi u prit si një hero i vërtetë në Poloni, arbitri i finales së botërorit, Szymon Marciniak zhvilloi një konferencë shtypi pas kritikave të forta të francezëve të cilët madje kanë kërkuar ripërsëritjen e ndeshjes ndërsa mediat i vendosën notën 2.
Mes episodeve të kontestuara është ajo që cilësohet penalltia “zemërgjerë” në favor të Argjentinës, të verdhët e munguar për Romeron dhe rasti i golit të tretë kur një pjesë e madhe e stolit të bardhekaltërve hyri në fushë në një moment që topi nuk kishte kaluar ende vijën fatale dhe arbitri deklaron:
“Më thoni ju, në çfarë mënyre ka influencuar ky moment te goli i Messit? Cili ishte impakti i lojtarëve të stolit në këtë situatë? Kërkojnë të kapen me çdo detaj të mundshëm dhe kjo nuk është serioze. E vërteta është që ka gazeta serioze dhe ca të tjera që kërkojnë skandalin në çdo gjë. Shumë arbitra franmzë më kanë përgëzuar për finalen që drejtova”.
Por nuk përfundon këtu pasi Marciniak hidhet në sulm dhe tregon një foto nga celulari i tij edhe pse është e paqartë.
“Francëzët nuk e kanë përmendur këtë moment ku duket që 7 lojtarë të tyre kanë hyrë në fushë kur Mbappe shënoi. Duhej ta anuloja edhe atë gol? E njëjta gjë ndodhi edhe kur Muani doli vetëm për vetëm me portierin Martinez”.
