Shtyhet sërish procesi gjyqësor për çështjen në ngarkim të Arber Paplekajt. Seanca është shtyrë në Gjykatën e Elbasanit, pasi avokatja e familjes Xhuvani kërkoi përfshirjen e familjarëve të Xhuvanit në proces. Ajo kërkoi që këta të fundit të njihen me aktet e realizuara deri tani.
Për këtë arsye, avokatja duhet që të paraqesë Hrenda së hënës certifikatën e trashëgimisë së familjes Xhuvani. Ndërkohe u rrëzuan kërkesat për ndarjen e proceseve gjyqësore për palët si dhe kërkesa për gjykim të shkurtuar për protagonistet e tjerë si nëndrejtorët e policisë.
Vrasja e Pjerin Xhuvanit në Elbasan ndodhi katër ditë përpara zgjedhjeve të 25 prillit. Paplekaj ishte pjesë e grupit të Partisë Demokratike, që ishte ngritur me qëllim mbrojtjen e votës. Atë ditë, pas një sherri verbal, u përdorën edhe armë, ku u plagosën edhe 4 persona të tjerë. Paplekaj pranoi krimin dhe u vetëdorëzua në Repartin e Forcave RENEA në Tiranë, duke thënë se qëlloi për vetëmbrojtje pasi u qëllua më parë nga persona që sipas tij, po blinin vota.
