Policia e Fierit ka arritur të arrestojë të shumëkërkuarin Robert Bego (alias Fatmir, Xheki Qelia), më së shumti i njohur si Fatmir Qelia.
Ai akuzohet për kultivimin e bimëve narkotike pasi më 20 korrik të këtij viti, gjatë kontrollit të imtësishëm të territorit në fshatin Mujalli, shërbimet e Policisë gjetën të kultivuara rreth 10 mijë rrënjë kanabisi në mes të një fushe të mbjellë me misër.
Kjo parcelë me bimë narkotike dyshohet se i përkiste pikërisht Fatmir Qelisë.
Në lidhje me bimët e kanabisit të gjetura, u arrestuan edhe Sejdi Genica dhe Vezir Genica.
Gjithashtu në pranga ranë dy policët Spartak Gjiçali, me funksion Specialist për Krimet dhe Roland Ndreko, me funksion ndihmës specialist, të dy të dyshuar për kryerjen e veprës penale të “Shpërdorimit të detyrës”.
