Pamjet para momentit kur 29-vjeçarja u hodh në humnerë te Kisha e Laçit janë publikuar në media.
Kamerat e sigurisë kanë kapur të renë e cila ka qëndruar për pak kohë në oborrin e kishës, e më pas ka kaluar kangjellat e hekurit.
Në një lidhje direkte nga kisha e “Shna Ndout”, përgjegjësi i rojeve të sigurisë, Ben Biba ka treguar se si u përball me momentin kur e reja u hodh.
Sipas tij fillimisht ka qenë kolegu, ai i cili ka folur me 29-vjeçaren, por pavarësisht ndërhyrjes është hedhur.
“Jam staf i kishës dhe bëjmë shërbimin rreth orës gjashtë pa çerek të mëngjesit konstatuam një vajzë që që po vinte me një hap të shpejtë. Ka kaluar bordurën me hekura, më pas kolegu ka tentuar të flasë, por ajo është hedhur me mbi 20 metra lartësi. Më pas kemi lajmëruar të gjitha institucionet. Kemi zbritur poshtë së bashku me kolegët e forcat e rendit, kemi konstatuar se ka pasur shenja jete. E kemi nxjerrë me barrelë në një terren shumë të vështiirë. Vajza ishte pa ndjenja”, u shpreh ai për emisionin “Shqipëria Live”.
